خانه اخبار بابک چلبیانلی: «یئنی ایل» باهار بایرامینیز موبارک اولسون

بابک چلبیانلی: «یئنی ایل» باهار بایرامینیز موبارک اولسون

عزیز و  حؤرمتلی آزربایجان تورک میلتی;

هر ایل یازین گلمه‌سی ایله برابر طبیعت یئنیلشیر و بوندا بیزیم اوچون آلیناجاق ساو و درس واردیر. خالقیمیز طبیعتدن ایلهام آلاراق یئنیلشمک باریش و تمیزلیک کیمی اینسانی دیرلری باهار بایرامینین عنعنه لرینده ان گؤزلجه‌سینه عکس ائتدیریبلر.

۱۳۹۴-جو گونش ایلی کئچدی و بو ایلده آزربایجان میللی حرکتی ائنیشلی یوخوشلو یولونو ان جسارتلی و شرفلی اوغوللار و قیزلارییلا بیرلیکده تاریخه بوراخدی. بو ایلین بیتمه‌سییله برابر آربایجان میللی دیره‌نیش تشکیلاتینیندا ۱۰ ایللیگیده بیتدی. ۱۰ ایل بوندان اؤنجه بئلنچی بیر گونلرده تشکیلاتیمیز میلتیمیزین سعادتی و وطنیمیزین قورتولوشونو قوتسال ایدئال هدف آلاراق یارانیش هیجانی یاشاییردی. تشکیلاتیمیزین ۱۰ ایللیگی ایله باغلی تؤرن گونئی وطنیمزده گیزلیجه کئچیریلسه‌ده بیر گون اؤزگور  گونئی آزربایجاندا میلتیمیزله برابر بئلنچی مراسیملرین کئچیرمه آرزوسونو اورکلریمیزده داشییاجاغیق.

۱۳۹۴-جو ایل بیتدی و بیز آ.م.د.ت(دیرنیش)،میللی حرکتین بیر پارچاسی اولاراق بیر داها ساواش ایلینی گئریده قویدوق.

اؤتن ایلده موباریزه یولوموزدا کدر و سئوینج سببی اولان آجی و شیرین اولایلار باش وئرمیشدیر. قارداش اؤلکه تورکییه تئررور ائیلملری ایله اوز اوزه گلیب بو آرادا بیر چوخ سیویل اینسان جانینی ایتیردی.

اورتادوغو بؤلگه‌سینده یاشایان اینسانلار ان فجیع و ان گوونسیز بیر یاشام سورورلر و تئرروریسم بوتون بؤلگه‌نی و دونیانی ائتکی آلتینا آلیبدیر.

بونلارا رغمن وطنیمیز آزربایجان بیر چوخ سیاسی ایجتیماعی ایقتیصادی و چئوره موشکیللرله اوز اوزدیر. ۱۳۹۴-جو ایلی میللی حرکت اولاراق گئریده قویدوق آنجاق هله‌ده موباریزه‌میز داوام ائتمکده‌دیر چونکی هله‌ده وطنیمیز ایستعمار و عیرقچیلیق و تضییقلرله قارشی قارشییادیر.

۱۳۹۴-جو ایل آزربایجان تورکلوگونه بیر داها ایستعمار و عیرقچیلیغین ان چیرکین سیماسی “فیتیله” شکلینده اورتایا قویولوب آپ-آیدین گؤستریلدی. و بو ایلین باشلانیشییلا برابر میلتیمیزه ایهانت ائدنلرین تئلئویزیونا قاییدماسییلا ایستعمار و عیرقچی سیستئمین گوستاخلیغی هامیمیزا آیدینلاشدی و بئله‌لیکله اینانجیمیز بیر داها آپاردیغیمیز موجادیله‌یه یوکسلدی.
آزربایجان میلی فعالاری باتی آزربایجانداکی حساس دورومو نظرده  الاراق مجلیس سئچکیلرینده اوز وارلیغینی اورتایا قویموشدور  و سیتیماتیک شکیلده از ایقتیدارینی هم ترروچی قوروپلارنینا همده رژیمه آچیق شکیلده بیان ائتمیشدیر. اومید ائدیریک کی یئنی ایلده باش توتاجاق مجلیس سئچکیلرینده اورمو سئچکیلرینین نتیجه‌سی میلتیمیز اوچون خئییرلی اولسون. تئرروریسم بؤلگه‌دن و آزربایجانیمیزدان اوزاقلاشیدیرلسین. میللی حرکتیمیزده یئر آلان میللی جریانلار بیرلییه قوووشسون و میلتیمیز و وطنیمیز اوچون اوغور و باشاری الده ائدیلسین.
هئچ بیر قودرت بیزیم وارلیغیمیزی یوخا سایاراق بیزی ائگه منلیکدن اوزاخلاشدیرا بیلمز. بیز باریشچیل موباریزه یونتملرینه اینانیریق لاکین هر زامان اوزموزو مودافعه اتمک حاقی بیزیم اوچون ساخلیدیر.
«یئنی ایل باهار بایرامینیز موبارک اولسون »

آزربایجان میللی دیره‌نیش تشکیلاتینین سؤزچوسو

بابک چلبییانلی